Gin-umpisahan na sang Department of Interior and Local Government (DILG) ang pagpatigayon sang mas madalom nga imbestigasyon kaangot sa kaso ni Bamban, Tarlac Mayor Alice Guo.
Ini matapos magpahayag sang pagduda ang pila ka mga senador sa hearing sang Senado kaangot sa background sang alkalde.
Suno kay Juan Victor Llamas, Interior Undersecretary for external, legal and legislative affairs, ang rekomendasyon nila nga preventive suspension para kay Guo ang base sa ila imbestigasyon sa kaangtanan sini sa illegal Philippine Offshore Gaming Operators (POGOs) operations sa iya banwa.
Nagpasa naman ang ahensya sang rekomendasyon sa Office of the Ombudsman sang nagligad nga semana.
Ginpahayag ni Llamas nga isa ini ka ‘continuing investigation’ matapos napaslawan si Guo nga sabton sa Senado ang pamangkot kaangot sa iya basic personal details lakip na ang lugar sa diin ini nabun-ag kag kun diin siya nakatapos sang high school.
“Lately lang lumalabas ang issue tungkol sa citizenship niya,” pahayag ni LLamas.
“Dahil diyan inutos din ni Sec. [Benhur] Abalos doon sa task force to continue further investigation on the citizenship of Mayor Guo. Dahil d’yan, nakikipag-coordinate na rin kami sa iba’t ibang ahensya para makalakap ng mga impormasyon o dokumento,” dagdag na wika nito sabay sabing, “Ito ay minamadali na rin ng aming secretary… we are doing our best na matapos kaagad sa lalong madaling panahon.”
Ginpanindugan ni Llamas nga nakakolekta sila sang impormasyon kaangot sa papel ni Guo sa illegal nga operasyon sang POGO nga nagapapag-on sa ila rekomendasyon para sa iya suspensyon.
“Sersyoso at matibay ang nakikita naming ebidensya na nalalakap namin… ‘Pag siya ay nababaan ng preventive suspension automatic ‘yan we will implement ‘yung preventive suspension para temporarily na mawala siya sa pwesto at yung vice mayor nila ang magiging active doon,” dugang pa sang opisyal.
