Nagsumpa na si Sen. Francis Joseph “Chiz” Escudero bilang bag-o nga Senate President.
Ini ang kasunod man sang gulpi nga pag-ilis sang pamunuan sang Senado sa tunga man sang kontrobersyal nga mga imbestigasyon nga ginpatigayon sang chamber.
Si Escudero ang gin-updan mismo sang iya asawa nga actress nga si Heart Evangelista sa iya pagsumpa.
Ang pinakabata naman nga senador nga si Mark Villar amo ang nagpasumpa kay Escudero.
Ginbuslan naman ni Escudero si former Senate President Juan Miguel Zubiri.
Apang antes ang pagpanaog ni Zubiri, naghibi ini samtang nagahatag sa iya sang mensahe.
Suno kay Zubiri, mangin isa na ini ka “independent” senator.
Ginbuyagyag man sini nga napaslawan ini nga magsunod sa mga yara sa mataas rason nga nabutang sa alang-alang ang iya posisyon.
