Nagtimbuok pa sa P9.5 billion ang halit nga ginbilin sang El Niño phenomenon sa sector sang agrikultura sa Pilipinas.
Suno sa Department of Agriculture (DA), apektado ang 163,694 ka ektarya sang agricultural land amo man ang 175,063 ka mga mangunguma kag manugpangisda.
Nagapabilin nga humay ang pinakaapektado nga commodity nga katumbas sang 48.47 percent ukon P4.6 billion sang damage. Ginasundan ini sang mais nga yara sa P3.17 billion kag high-value crops nga yara sa P1.65 billion.
Nagdangat naman sa 57.72 million ang halit sa sector sang pagpangisda; P10.47 million sa livestock kag poultry, samtang P3.42 million sa balinghoy.
Una na nga ginpahayag sang Philippine Atmospheric, Geophysical and Astronomical Services Administration (PAGASA) nga nagahina na ang El Niño phenomenon kag ginalauman na ang transition sa neutral halin sa Abril tubtub sa Hunyo.
