Nag-depensa si newly-elected Senate President Francis Escudero nga ang ila dinner sa Malacañang sang nagligad nga gab-i ang wala sang kaangtanan sa natabo nga pagpahalin kay anay Senate president Juan Miguel Zubiri sa posisyon.
Ini matapos nga matunog nga gina-istoryahan sang publiko ang natabo nga pagkit-anay sang mga senador, ila nga mga partner, kag nanday President Ferdinand Marcos, Jr. kag First Lady Liza Marcos sa Palasyo isa ka adlaw lamang matapos nga nag-ilis sang liderato ang Senado.
Lakip sa present amo sanday Escudero, Senate President Pro Tempore Jinggoy Estrada, majority leader Francis Tolentino, Senators Robin Padilla, Alan Cayetano, Raffy Tulfo, Sherwin Gatchalian, Mark Villar, Cynthia Villar, Loren Legarda, Pia Cayetano kag Grace Poe.Yara man mismo si Heart Evangelista nga asawa ni Escudero.
Wala sa pictures sanday Senators Aquilino Pimentel III kag Bong Revilla apang gin-representar sila sang ila nga mga asawa.
Wala naman sa pictures sanday Zubiri, Senators Joseph Victor Ejercito, Sonny Angara, Nancy Binay, Lito Lapid, Ronald dela Rosa, Bong Go, Risa Honteveros, Joel Villanueva kag presidential sister Imee Marcos.
Pahayag ni Escudero, ini na ang ikatatlo nga tion nga nagpangagda sang panyapon sa Malacañang kun sa diin wala man siya naka-tambong sa duha nga nahauna nga get together.
Wala ini gintabo sa kudeta sa Senado suno sa iya bangud nga tatlo ka semana pa ang nagligad halin sang nahatag ang imbitasyon.
Antes ang depensa ni Escudero, nauna na nagpahayag si Senate President Pro Tempore Estrada nga wala sang kahilabtanan sanday Marcos kag ang Kamara sa pagpahalin kay Zubiri.
