Pila ka adlaw antes ang selebrasyon sang 126th Indepence Day sa Pilipinas, nagpaguwa sang statement si President Ferdinand Marcos, Jr. nga nagaplastar kun ano ka importante para sa mga Pilipino nga padayon nga magbato para sa kahilwayan ilabi na ang proteksyon para sa teritoryo kag sa soberanya sang pungsod.
Wala sang partikular nga nasyon nga ginmensyonar sa vlog sang presidente apang ginlakip sini ang portion sa iya keynote speech sa Institute for Strategic Studies’ Shangri La Dialogue sa Singapore kun sa diin ginlaslasan sini anay ang iligal nga pagsulod sang China kag pag-atake sa mga Pilipino sa sulod mismo sang exclusive economic zone sang Pilipinas.
“Sa nakaraang 126 taon at hanggang ngayon ay patuloy nating pinaglalaban ang ating kalayaan, kalayaan sa iba’t ibang aspeto ng ating pagka-Pilipino, higit dito, kalayaan sa ating teritoryo at ating soberanya,” pahayag sini.
Gin-engganyo man ni Marcos ang mga Pilipino nga pukawon ang “Filipino spirit”, buhion ang nasyonalismo sa dugo, kag magpartisipar sa mga selebrasyon para sa Independence Day nga magasugod na subong nga adlaw.
“Itong buwan ng kalayaan, gisingin pa natin ang ating diwa sa pagka-Pilipino, buhayin ang mga nasyonalismo sa ating dugo at iwagayway ang bandilang Pilipino… Dapat makilahok tayong lahat sa pagdiriwang na ito. Dapat ay ipakita natin at iwagayway natin ang ating watawat para maalala din natin at lahat ng makakakita ang buhay ng Pilipino at ang kasaysayan ng Pilipino,” dugang ni Marcos.
Tubtub subong suno sa presidente, padayon ang pagpakigbato para sa kahilwayan gani nga wala man sang kakapoy nga nabatyagan sa pagbantay, wala sang katapusan ang pagpakigsapol sa iban nga mga pungsod para nga mabuligan ang Pilipinas nga matib-ong ang mga interes sini kag kinamatarong, kag padayon man ang mga proyekto nga pang-kultura agud nga mapalig-on pa gid ang identity bilang mga Pilipino.
“Kaya walang pagod ang ating pagbabantay, walang katapusan ang ating pakikipagpulong sa ibang bansa upang matulungan din tayong maisulong ang ating kapakanan at Karapatan.”
Subong nga bulan, nalakip sa mga aktibidad sang pungsod amo ang live concerts, bazaar, “labuyo” eating contest ukon chili festival, kag Bagong Pilipinas one-stop shop caravan. Sa Hunyo 12, patigayunon na ng Parada ng Bayan kag pagasundan sang free concert.
“Kaya samahan niyo kami. Dalhin ang inyong pamilya, ang inyong mga kaibigan at higit sa lahat ang inyong pagka-Pilipino at makilahok sa selebrasyon ng ating ika-126 na Araw ng Kalayaan,” kabahin pa sang vlog.#
