ILOILO – Gin-athag ni Iloilo 3rd district Rep. Lorenz Defensor nga indi siya ang magadesisyon kun bala magapadalagan ini bilang senador sa May 12, 2025 elections.
Sa interview sang Bombo Radyo kay Defensor, iya ginpahayag nga ang iya partido nga National Unity Party amo ang madesisyon sa senatorial line up.
Gin-ako man ni Defensor nga maayo nga may yara sang Ilonggo ukon halin sa Western Visayas nga mangin Senador agud madamo nga mga proyekto ang mapatuman sa Iloilo.
Apang sa subong, ang ginatutukan sang mamalidha amo ang mga programa sini sa 3rd district.
Nahibaluan nga magluwas kay Defensor, isa man sa mga ginabati-bati nga magpadalagan bilang Senador amo si anay Health Secretary kag subong Iloilo 1st District Rep. Janette Garin.
