ILOILO CITY- Nadiskubrehan sang mga otoridad sa Germany ang isa ka hulot para sa mga Chinese spies sa sulod sang isa ka brothel sa Cologne.
Ang amo nga building ang sentro sang prostitusyon nga legal sa Germany apang may isa panalgan nga gin-alegar ginpanaguan sang mga espiya halin sa China.
Suno kay Bombo Aimee Andaya Hilger, gin-report man nga isa ka Chinese woman ang nagapanag-iya sang building kag yara ang mga espiya sa ninth floor.
Pahayag ni Hilger, natukiban man nga may mga abogado nga Germans nga nagabulig sa mga Chinese spies.
Nagapadayon pa ang imbestigasyon sang otoridad apang ginapahayag nga tinuig na nga naga-operate ang mga espiya sa amo nga building.
