ILOILO CITY- Suportado sang opposition nga Liberal Party (LP) ang desisyon ni anay vice president Leni Robredo nga indi pagdalagan sa 2025 senatorial elections.
Sa interview sang Bombo Radyo Iloilo kay anay Senate President Franklin Drilon kag chairman sang Liberal Party, iya ginpahayag nga nakadesisyon na si Robredo nga magapapili bilang Mayor sang Naga City.
Suno kay Drilon, ano man ang mangin desisyon ni Robredo, ila ini nga respetuhon.
Dugang niya, nagpangayo na sang permiso ang anay bise presidente sa iya pagpadalagan sa Naga City.
Nahibaluan nga nagserbe si Robredo bilang chairman sang Liberal Party sang 2016 tubtob 2022.
Nagpadalagan man ini bilang independent candidate sang 2022 presidential elections, apang nagapabilin nga myembro sang partido.
