ILOILO CITY- Nagpirma na sang kontrata ang Commission on Elections (Comelec) sa joint venture sang SMS Global Technologies Inc. kag Sequent Tech Inc. para sa pinakauna nga online voting and counting system (OVCS) para sa Filipino overseas voters.
Ang joint venture ang may pinakamanubo nga calculated bid para sa procurement sang online voting and counting system gikan sa apat ka bidders para sa 2025 midterm elections.
Suno sa Comelec,ang bid ang yara sa P112 million, nga mas manubo sa ginpain nga budget nga P465.8 million para sa online voting and counting system procurement.
Suno kay Comelec Chairman George Erwin Garcia, ang online voting ang magaengganyo sa mas madamo nga Filipinos nga magboto.
Apang ginaabiabi man ni Garcia nga tubtob subong ,ang iban nga Filipinos sa luwas sang pungsod ang wala pa nakarehistro para sa nagahilapit nga eleksyon bangud sa kalayuon sang Philippine embassies gikan sa ila ginaistaran kag bangud man sa sirkumstansiya sang ila trabaho.
Ginpasiguro naman ni Garcia sa publiko ang security kag reliability sang online voting and counting system.
