CAGAYAN DE ORO CITY – Nagsabat si Vice President Sara Duterte natuhoy sa viral “gurgur” video sini sa diin sang ginpamangkot kun ngaa may pilas ini sa iya liog, nagsabat ini nga gintuyo siya nga gulgulon.
Suno sa bise presidente, indi na kinahanglan pa nga ipaathag ang nasambit nga video.
Ini ang iya ginpahayag kadungan sa ambush interview sa Cagayan de Oro City.
“Anong meaning nun? Hindi naman siguro na kailangan i-interpret ‘yon,” pahayag sang bise presidente.
Ginpahayag sang bise presidente nga wala nangin madinalag-on ang nagtuyo nga mag-gulgol sang iya liog.
“Very straightforward yon, tinanong ako kung ano iyong sugat na nasa leeg ko at sinabi ko na sinubukan nila akong i-gurgur pero hindi sila nagtagumpay,” dugang pa sini.
Magluwas diri, nagsenyas pa ini nga daw kaangay nga may kutsilyo nga ginagulgol sa iya liog.
Sang gin-usisa naman kun sin-o ang ginatumod sini nga “sila,” nagsabat ang bise presidente nga, “silang lahat.”
Nahibaluan nga madamo sang mga netizens ang nag-usisa sa rason sang pilas sa liog ni Duterte nga nakit-an kadungan man sang iya speech sang nag-resign ini bilang secretary sang Department of Education (DepEd).
