ATLANTA, GEORGIA – Nangin mainit ang bayluhanay sang mga tinaga nanday United States President Joe Biden kag former President Donald Trump.
Ini ang kadungan man sang ginpatigayon nga 2024 United States Presidential Debate sa Atlanta, Georgia.
Ang 78 anyos nga si Trump amo ang presumptive Republican presidential nominee nga mabunggo sa 81 anyos nga si Biden sa 2024 presidential elections sa Nobyembre.
Wala naman nagkamustahanay ang duha sang nagkit-anay ang mga ini
Lakip sa mga topiko nga gin-debatehan amo ang ekonomiya, abortion, Israel-Hamas kag pandemya.
Maga-atubangay sila liwat sa Septyembre para sa ikaduha nga hugnat sang debate.
