ILOILO CITY- Nagasinggitan sang hustisya ang pamilya sang mangunguma nga ginluthang-patay sa Sitio Tanoong, Brgy. San Ambrosio, Igbaras, Iloilo.
Sa interview sang Bombo Radyo kay Mary Ann Espora, anak sang biktima, iya ginpahayag nga samtang yara ang iya amay sa ila manuka, hinali lang nga may nabatian sila nga lupok sang pusil kag sang ila ginkadtuan, didto na nila naabtan ang duguon nga amay.
Suno kay Espora, gindala pa sa ospital ang biktima apang ginbawian gid sang kabuhi bangud sa naangkon nga anom ka igo sang bala sa dughan.
Gintuad naman sini nga may yara sang nakaaway ang iya amay may kaangtanan sa duta.
Nagapadayon pa ang imbestigasyon sang Igbaras Municipal Police Station tuhoy sa insidente.
