Ginkumpirma sang state statistics bureau nga nagtaas ang trade deficit sang Pilipinas sa bulan sang Mayo.
Suno sa Philippine Statistics Authority (PSA), ang total external trade sa goods sang Mayo subong nga tuig ang nagdangat sa $17.26 billion ukon masobra P1.006 trillion.
Ini ang mas manubo sang 1.2 percent halin sa $17.46 billion ukon P1.018 trillion sang Mayo sang nagligad nga tuig.
Ang trade gap ang nagtimbuok naman sa 4.5 percent matapos nagsaka sa $6.33 billion ukon P369 billion ang export, samtang ang imports ang yara naman sa $10.93 billion ukon P637 billion.
Sa total external trade sang Mayo, 63.3 percent ang imported goods, samtang ang nabilin naman nga porsyento ang exported goods.
Nagapabilin naman nga top export sang Pilipinas ang electronics nga may $3.56 billion ukon P207 billion nga katumbas sang 56.2 percent sa total exports sang pungsod sa amo nga period.
