ILOILO CITY- Nagapati si Iloilo Governor Arthur Defensor Jr. nga madamo sang kaayuhan nga madala si Sen. Sanny Angara bilang bag-o nga tiglikom sang Department of Education bulos kay Vice President Sara Duterte.
Sa interview sang Bombo Radyo kay Governor Defensor, iya ginpahayag nga isa ka rason kun ngaa nagakabagay si Angara sa posisyon bangud sa iya kalam kag eksperyensiya sa Kamara kag Senado nga nakauyat ukon myembro sang mga kumitiba nga naangot sa edukasyon.
Suno kay Defensor, kinahanglan sang Department of Education sang isa ka legislator bilang tiglikom bangud nga nahibaluan sini kun paano mag-lobby sang mga pondo para sa kaayuhan sang sektor sang edukasyon.
