Tuman ang kalipay sang pamilya sang Ilonggo matapos nakuha ang pinakauna nga gold medal para sa Western Visayas sa Palarong Pambansa 2024 sa Cebu City.
Ini amo si Sam Kenjie Bantillo kag naga-eskwela sa Don Casimero Andrada National High School sa Punta, Carles, Iloilo.
Nagpangibabaw si Bantillo sa Secondary Level- Boys category sa Long Jump.
Naka-record ini sang 7.07 meters sa Long Jump.
Suno sa iya iloy nga si Mrs. Rona Delos Reyes Bantillo, tuman ang iya pagpasalamat sa Diyos bangud gingiyahan sini ang iya anak agud magdaog sa hinampang.
Ginapabugal naman ni Mrs. Bantillo ang iya anak sa diin nagbunga ang tanan sini nga mga sakripisyo.
“The best ka gid ya Lord.. Gin-offer ko gd sa imo ang hampang ka bata ko and ginhatag mo gid sa amon… To God be the highest Glory… Toto Sam Kenjie Bantillo, super proud gd si Mama kag bug-os ta nga pamilya what you have achieved. All your sacrifices especially ang pag-diet mo every time gakaon kami napanumdum ko gId ang hambal mo nga daw mapuli kana kay para kapagusto ka kaon kag syempre ang lakwatsa mo nga damo ka na miss nga binayle…hehe. This is it na anak kay nag-sacrifice may regalo gid ang Ginoo sa imo.. Gusto ta gid ka subong halukan kag kup-an. Na-miss ka tuloy ni Mama .. focus lang may event ka pa bwas.” post ni Mrs. Bantillo.
