PENNSYLVANIA – Ginpakamalaot ni United States President Joe Biden ang natabo nga pagluthang kay former President Donald Trump samtang nagapatigayon sang rally sa Pennsylvania.
Sa nasambit nga insidente, napatay ang shooter.
Suno kay Biden, ginapangamuyo niya nga yara si Trump sa maayo nga kahimtangan, ang iya pamilya kag ang mga nagtambong a rally.
Nagapasalamat man si Biden kag si First Lady Jill Biden sa Secret Service nga nagpasigurado sang safety ni Trump.
“I have been briefed on the shooting at Donald Trump’s rally in Pennsylvania. I’m grateful to hear that he’s safe and doing well. I’m praying for him and his family and for all those who were at the rally, as we await further information. Jill and I are grateful to the Secret Service for getting him to safety. There’s no place for this kind of violence in America. We must unite as one nation to condemn it.”
Nahibaluan nga nagatambong si Biden sang misa sa St. Edmund’s Catholic Church, Rehoboth Beach, Delaware, sang natabo ang pagpangluthang kay Trump.
Samtang, suno naman sa White House, ginhatagan na si Biden sang detalye sa insidente nanday Secret Service Director Kimberly Cheatle, Homeland Security Secretary Alejandro Mayorkas, kag Homeland Security adviser Liz Sherwood-Randall.
