ILOILO CITY- Nasapwan nga wala na sang kabuhi ang anom ka foreign nationals sa isa ka luxury hotel room sa central Bangkok, Thailand.
Suno kay Prime Minister Srettha Thavisin, posible nga biktima sang poisoning ang anom ka mga turista nga lunsay nga Vietnamese, kag duha sa ila ang may dual US nationality.
Natukiban ang bangkay sang mga biktima sang isa ka cleaning staff ang nagsulod sa ila kwarto.
Ginapatihan nga may kaupod sila nga isa pa ka Vietnamese nga posible involved sa insidente.
Base sa preliminary examination, wala sang nakit-an nga injuries nga patimaan nga may natabo nga away apang may senyales nga ginpainom sang toxic substance ang mga biktima
Natalana nga ipaidalom sa autopsy ang nasambit nga Vietnamese nationals.
