ILOILO – Ipasundayag nanday Iloilo 2nd District Rep. Michael Gorriceta kag sang iya tiayon nga si Dr. Kathryn Joyce Gorriceta sa ikatatlo nga State of the Nation Address (SONA) ni President Ferdinand R. Marcos Jr. ang ‘dress’ kag barong nga himo mismo sa Iloilo.
Sa interview sang Bombo Radyo kay Rep. Gorriceta, iya ginpahayag nga ang iya nga barong ang himuon sang Ilonggo designer nga si Ram Silva.
Samtang ang isa naman tiayon ang magasuksok sang ‘dress’ nga may yara sang detailed handiwork sang bobbin lace patterns gamit ang Belgian thread.
Ang bobbin lace kag embroidery ang himuon sang Women United Through Handcrafted Lace and Embroidery (WUTHLE) sa Sta. Barbara, Iloilo.
Mangin ang kongresista ang magasuksok man sang Belgian bobbin lace patterns sa iya Barong agud mag-terno sa iya tiayon.
Nahibaluan nga ang mga babaye nga myembro sang WUTHLE amo lang ang mga embroidery makers sa bilog nga Pilipinas.
Ini ang ginpatukod ni Sister Madeleine Dieryck, isa ka Belgian nga madre sang Missionary Sisters of the Immaculate Heart of Mary matapos na-assign sa leprosarium sa Western Visayas Sanitarium and General Hospital.
Ang mga nag-ayo nga mga leprosy patients kag mangin ang ila pamilya ang ginhanas sa embroidery kag lace making tubtob nangin isa na ini ka industrya.
