Nagmandu ang Department of Trade and Industry (DTI) nga temporaryo nga i-suspinde ang pagbaligya sang vape products online.
Sa idalom sang Department Administrative Order No. 24-03, series of 2024 nga ginpaguwa ni Trade Secretary Alfredo Pascual, nakasaad ang mandu sa e-marketplace operators nga suspendihon ang online sale, distribution, kag advertising sang vapor products kag devices.
Suno sa trade department, tugutan lang sini liwat ang online selling kun maka-demonstar ang e-marketplace sang maayo nga mga tikang agud masigurado nga nagasunod ang online sellers sa proof-of-age verification kag tanan nga mandatory legal requirements sa idalom sang Republic Act No. 11900 ukon Vaporized Nicotine and Non-Nicotine Products Regulation Act.
Sa idalom sang nasambit nga layi, nakasaad nga indi pwede baligyaan sang vape products ang mga kustomer nga wala pa nakatapak sa edad nga 18-anyos.
Ginmanduan man ang online sellers nga magpasa sang nagakaigu nga IDs, permits and licenses, valid government-issued IDs, business permits halin sa local government unit, registration sa DTI, Securities and Exchange Commission (SEC) ukon Cooperative Development Authority (CDA) kag registration sa Bureau of Internal Revenue (BIR).
Ang nasambit nga tikang sang DTI ang kasunod man sang ginpahayag maka-alarma na nga numero sang bayolasyon partikular sa pagbaligya sang vapes sa mga menor de edad sa e-marketplaces.
