ILOILO CITY- Nag-umpisa na ang pagpatuman sang lockdown sa central Paris samtang nagahilapit ang pagbukas sang Olympics sa Agusto 26 kag ang opening ceremony ang hiwaton sa River Seine.
Suno kay Bombo Dinah Ventanilla Sauve, international correspondent sa France, hugot ang pagbantay sang French security forces sa six-kilometre parade route nga nagresulta sa closure sang riverside districts sa halos tanan nga mga salakyan.
Ang access naman sa high-security “grey zone” sa kilid sang Seine ang naga- require sang security pass paagi sa QR code.
Nahibaluan nga may ginpatindog man nga temporary sports stadiums sa mga landmarks kaangay sang Eiffel Tower, Invalides, kag Place de la Concorde.
Ang bag-o nga Olympic VIP lanes ang nag-contribute man sa traffic congestion.
Ginabanta nga 6,000-7,000 ka mga athletes ang magalayag sa River Seine sa kapin 100 barges kag boats sa tion sang seremonya.
Bangud nga ang mga delegasyon sang mga pungsod ang magaparada sakay sa mga barges kag boats, ang mga spectators ang maga-occupy sa 37 ka mga taytay agud i-welcome ang mga atleta.
Ang parada magasugod sa Austerlitz bridge kag magalibot sa duha ka islands sa sentro sang syudad antes maglabay sa mga bridges kag gateways.
Samtang nagaparada sa suba, makit-an man sang mga athletes sakay sa parade boats ang pila ka official Games venues kaangay sang Parc Urbain La Concorde, Esplanade des Invalides, Grand Palais, kag Iéna Bridge kun sa diin magauntat ang parada bag-o ang finale sang seremonya sa Trocadéro.
