ILOILO CITY – Nakulangan si Bayan Muna chairman Atty. Neri Colmenares sa kaundan sang State of the Nation Address (SONA) ni President Ferdinand “Bongbong” Marcos Jr.
Sa interview sang Bombo Radyo Iloilo kay Colmenares, iya ginpahayag nga madamo pa siya kuntani sang luyag nga mabatian sa SONA, apang wala nahambal sang presidente.
Suno kay Colmenares, wala si Marcos sang ginhatag nga konkreto nga solusyon sa mga problema sa kapigaduhon, pagtaas sang presyo sang mga balaklon, padayon nga pag-import sang bugas kag problema sa paglapas sa tawhanon nga kinamatarong.
Nalipatan man suno sa iya sang presidente nga i-address ang problema sang mga mamumugon, land grabbing ukon land conversion kag mangin ang kakulangan sa food security .
Sa pihak sini, gindayaw man ni Colmenares ang panindugan sang presidente sa isyu sa West Philippine Sea kag pagpa-untat sang operasyon sang
