ILOILO – Ginkumpirma ni Iloilo 5th District Rep. Raul ‘Boboy’ Tupas nga nagaplano ini nga magpadalagan bilang Vice Governor sa May 12, 2025 local elections.
Sa interview sang Bombo Radyo kay Tupas, iya ginpahayag nga ang nasambit nga kumpirmasyon ang iya sabat sa madamo nga mga pamangkot kun bala magapadalagan ini bilang Mayor sa Sara, Iloilo.
Suno kay Tupas, apisar yara ang iya opisina sa banwa sang Sara, apang wala ini nakaparehisto sa nasambit nga banwa.
Sa subong suno kay Tupas, naka-konsulta na ini sa mga nagkalain-lain nga lider sa iya plano sa masunod nga piniliay.
Nahibaluan nga tubtob subong, wala paman nakadeklarar si Iloilo Governor Arthur Defensor Jr., sang iya mangin running mate.
