ILOILO CITY- Nasiplatan si Vice President Sara Duterte sa Ninoy Aquino International Airport (NAIA) Terminal 3 kaupod ang iya nga bana, ila nga kabataan kag iya iloy nga si Elizabeth Zimmerman.
Naglupad ang eroplano nga ginasakyan sang pamilya sang Bise Presidente kaina sang kaagahin kag ginalauman nga magahugpa sa Dubai para sa connecting flight padulong sa Munich, Germany.
Wala pa sang kumpirmasyon ang Office of the Vice President (OVP) sa biyahe ni VP Sara sa luwas sang pungsod.
Bukas ang Bombo Radyo Philippines sa ano man nga pahayag ni VP Sara Duterte tuhoy diri.
