ILOILO CITY- Ginasundan sang Bureau of Fire Protection nga ‘electrical in nature’ ang kabangdanan sang sunog sa West Habog-habog, Molo, Iloilo City sang Martes sang gab-i nga naglamon sang anom ka mga balay.
Suno kay Fire Officer 2 Earl Anthony Daroca sang Iloilo City Fire Station, base sa imbestigasyon, nagsugod ang kalayo sa hulot sang balay nga ginapanag-iyahan sang pamilya Villanueva.
Naglaton man ang kalayo sa tupad nga mga balay nanday Elizabeth Ilustre, Roming Arabia, kag pamilya Balion.
Ginabanta nga nagabalor sang P504,000 ang kahalitan nga tuga sang sunog.
Nagapabilin naman sa evacuation center sa Baluarte Elementary School ang mga nasunugan.
Naghatag naman sang relief goods ang City Social Welfare and Development Office sa mga biktima nasunugan.
