ILOILO CITY- Nasunog ang isa ka ancestral house sa Phase 1, Brgy. Cubay Jaro, Iloilo City.
Ginapanag-iyahan ni Nenet Selayro ang nasambit nga balay.
Sa interview sang Bombo Radyo kay Punong Barangay Bebeng Padilla sang Cubay, iya ginpahayag nga wala sang tawo sa nasambit nga balay bangud nagsimba ang mga ini sang nagluntad ang sunog.
Ginapahayag nga nagsugod ang kalayo sa laundry area sa sulod mismo sang compound.
Base sa pagpangusisa, pito ka mga indibidwal ang nagaistar sa amo nga balay.
Wala naman nakaluwas sa sunog ang hinuptanan nga ido nga yara sa iya kurungan sang natabo ang sunog.
