ILOILO CITY –Nasapwan ang isa ka fetus sa sulod sang restroom sa Ninoy Aquino International Airport Terminal 1 sa Pasay City.
Suno sa Philippine National Police Aviation Security Group, ang cleaning staff amo ang nakakita sang fetus nga naputos sa tissue paper sa sulod sang isa sa mga cubicles.
Gilayon nga nagresponde ang Manila International Airport Authority medical team kag nakumpirma nga fetus ang nakit-an kag ginabanta nga yara pa lang sa isa ka bulan.
Sa subong, nagapadayon ang imbestigasyon sang otoridad agud matumod ang iloy sang amo nga fetus.
