Ginbasura ni President Ferdinand Marcos Jr. ang panawagan sang mga senador nga i-suspend ang pagpatuman sang Public Utility Vehicle Modernization Program (PUVMP) nga ginatawag subong nga Public Transport Modernization Program (PTMP).
Ini ang ginpaagi sang mga senador sa Senate Resolution 1096 sa diin sa 23 ka mga senador, solo lamang nga si Senator Risa Hontiveros ang wala nagpirma diri.
Ini nga resolusyon ang ginduso ni Senate Committee on Public Services Chairperson Senador Raffy Tulfo kag suportado man ni Senate President Francis ‘Chiz’ Escudero.
Suno kay Marcos, indi matuod nga ginpadalian ang programa.
“Sinasabi nila minadali, I disagree. This has been postponed 7 times.”
Ginpahayag sang presidente nga 80% sang mga PUVs sa bilog nga Pilipinas ang nagsunod na sa consolidation requirement sang programa.
