ILOILO CITY – Sa pinakauna nga kahigayunan, maga-host ang Iloilo sang ” 2024 SUMMIT on SMART LGUs”.
Ang kahiwatan ang pasakupan sang 700 tubtob 800 ka mga participants kag patigayunon sa Agusto 13 tubtob 15, 2024 sa isa ka hotel sa Iloilo City.
Sa interview sang Bombo Radyo kay Lambunao, Iloilo Vice Mayor Arvin Losaria, President sang Vice Mayors’ League of the Philippines (VMLP) – Iloilo Chapter kag Vice Chairman for Visayas, iya ginpahayag nga ang kahiwatan ang pasakupan sang mga bise alkalde sa bilog nga Pilipinas.
Magluwas diri, imbitado man ng mga Sangguniang Bayan members nga nagakapot sang mga chairmanship nga ginalakipan sang:
- Committee on Ways and Means
- Committee on Youth
- Committee on Barangay Affairs
- Committee on Science and Technology
- Committee on Legislative Development
Suno kay Losaria, katuyuan sang nasambit nga aktibidad amo nga tipunon ang tanan nga mga stakeholders sa local governance, mga experts kag providers sa Smart Technologies agud malab-ot ang mapag-on nga Smart Localities.
Sa katapusan sang kahiwatan, ginalauman nga mapasanyog sang tagsa ka mga Local Government Units ang public services, matapna ang corruption kag mahatagan sang importansya ang kaayuhan sang pumuluyo.
