Gin-abi-abi sang chairman sang Commission on Elections (Comelec) ang proposal nga ipaidalom sa drug tests ang mga kandidato sa 2025 kag ilakip ang ila resulta sa ila nga certificates of candidacy.
Ini apisar indi man required ang drug tests para sa election candidates matapos nga ginkakas ini sang Supreme Court kag ginsiling nga unconstitutional ang probisyon sa Comprehensive Dangerous Drugs Act nga nagamandate anay sang amo nga tikang sa mga kandidato para sa public office.
Suno naman kay Comelec Chairman George Erwin Garcia, indi man ini mandatory apang wala ginapunggan ang mga kandidato nga gusto gid mangin transparent kag magabutang sang certificate agud pamatud-an nga indi sila adik.
Matandaan nga si Davao City Congressman Paolo Duterte ang nag-file sang House Bill 10744 nga nagatuyo nga amyendaran ang Republic Act 916.
Sa ginaduso nga hagna, ginahaylo ang mga kandidato nga magpaidalom sa drug test 90 ka adlaw antes ang election day. Iga-examine sa sini nga tests ang hair follicle kag ihi sang kandidato agud matumod kun nagagamit ini sang illegal substances.
