ILOILO CITY- Nagsaka pa sa 17 ang numero sang patay bangud sa dengue sa probinsiya sang Iloilo humalin sang Enero tubtob Agosto 24 subong nga tuig.
Base sa data sang Iloilo Provincial Health Office,sa mga napatay, tatlo ang sa Barotac Nuevo; tag-duha sa Miagao, Badiangan, kag Passi City;kag, tag-isa sa Lambunao, Dingle, Igbaras, Banate, Concepcion, Sara, Estancia, kag San Dionisio.
Sa mga napatay nga pasyente, tatlo ka tuig ang edad sang pinakabata.
Sa subong, yara na sa 6,816 ang kabug-usan nga kaso sang balatian.
Nahibaluan nga napaidalom subong sa state of calamity ang probinsiya bangud sa outbreak sang dengue.
