Ginmultahan sang Energy Regulatory Commission (ERC) sang P3.5 million ang National Grid Corporation of the Philippines (NGCP) bangud napalpak ini nga makahingagaw sa deadline sa pag-implementar sang 10 ka transmission projects sa pungsod.
Paathag sang power industry regulator sa desisyon nga napetsahan sang Hunyo 25, 2024 kag na-promulgate sang Augusto 31, 2024, gindagdagan sang multa ang grid operator bangud “unjustified” ang delay sini sa implementasyon sang mga proyekto.
Lakip diri ang Baloi-Kauswagan-Aurora 230kV Transmission Line Project (Phase 2V-Kauswagan-Lala 230kV T/L Project), Pagbilao EHV Substation Project, Antipolo EHV Substation Project, Tuy(Calaca)-Dasmariñas 500kV T/L Project, Cebu-Lapu-Lapu Transmission Project, Cebu-Negros-Panay (CNP) 230kV Backbone Project Stage 3, Tacurong-Kalamansig 69kV Line.
Ginpaathag sang komisyon nga obligasyon sang NGCP nga magsunod sa project timelines nga amo ang gin-aprubahan sang ahensya sang nag-apply ini para sa CAPEX projects.
Kun atrasado ang implementasyon sang CAPEX project suno sa ahensya, maapektuhan gid ang reliability sang grid kag ang abilidad sang transmission system nga mag-absorb sang bag-o nga power capacities nga pat-od gid nga magaapekto sa public interest.
Ginatun-an na subong sang ERC ang pag-isyu sang legal options sa idalom sang “applicable laws, rules, and regulations.”
