INDONESIA – Ginaproseso na ang pagpabalik kay dismissed Bamban, Tarlac Mayor Alice Guo sa Pilipinas matapos nadakpan sa Tangerang City, Indonesia.
Ini matapos nga nagpalagyo ini sa Pilipinas matapos nakumpirma nga indi ini isa ka Pilipino sa baylo, isa ini ka Chinese national nga may matuod nga pangalan nga Guo Hua Ping.
Sa interview sang Bombo Radyo kay Retired judge Jaime Santiago, director sang National Bureau of Investigation (NBI), iya ginpahayag nga ginakaptan na subong sang Indonesian authorities si Guo.
Pagbalik ni Guo sa Pilipinas, atubangon naman sini ang sampaw sampaw nga mga kaso.
Nahibaluan nga si Guo ang ginatudlo nga isa sa mga utok sang Philippine Offshore Gaming Operators (POGO) sa iya nasakupan nga lugar.
