Naghina ang inflation rate sang bugas sang Agosto bangud sa gintingob nga epekto sang ginpanubo nga tariff rates sa imported nga bugas sa nasambit nga bulan.
Suno kay Philippines Statistics Authority (PSA) chief kag National Statistician Claire Dennis Mapa, ang rice inflation ang nagnubo na lang sa 14.7% sang nagligad nga bulan kun ipaanggid sa 20.9% sang Hulyo.
Ini na ang pinakanubo nga inflation print humalin sang Oktubre 2023 sang marekord ang 13.2%.
Nagsanto ang pagnubo sang rice inflation sang Agosto sa ginalauman nga pagbarato sang presyo sini sa ikaduha nga quarter sang 2024.
Matandaan nga ginpagwa ang Executive Order No. 62 nga nagabuhin sa tariff rates sa imported nga bugas sa 15% halin sa 35% nga epekto sang nagligad nga bulan.
Kadungan sini, ginpahayag man sang ahensya nga ang pagnubo sa taripa sa imported nga bugas ang magapanubo man sa retail price sa kada kilo sang bugas sang P6 tubtob P7.
