Nalab-ot na sang aktres, singer, kag entrepreneur nga si Selena Gomez ang billionaire status sa edad nga 32-anyos.
Suno sa financial data kag media company nga Bloomberg, isa na si Selena sa youngest self-made billionaires sa United States — pareho kanday Taylor Swift kag Rihanna — nga may net worth nga $1.3 billion (P73.1 billion).
Ginpahayag nga kadam-an sa manggad sini ang naghalin sa iya makeup line nga Rare Beauty nga iya ginbuksan sang 2019.
Magluwas pa ini sa iya earnings bilang isa ka entertainer kag wala-tuo nga brand endorsements kaangay sa Louis Vuitton, Coach kag Puma.
Sa mga endorsement, daku nga bulig kay Selena ang iya 424 million followers sa social media platform nga Instagram. Siya subong ang most-followed woman sa kalibutan kag third-most overall kasunod sa football stars nga sanday Cristiano Ronaldo kag Lionel Messi sa amo nga platform.
Nabun-ag si Selena sa Texas kag halos tatlo ka dekada na nga kilala sa show business. Bilang isa ka artista, lakip sa kontrobersiya sa iya amo ang fashion kag boyfriends, kag naistoryahan man mangin ang iya ikaayong lawas lakip ang pagka-diagnose nga may bipolar disorder kag autoimmune disease nga lupus.
Matandaan nga sang Abril, ang suod nga abyan ni Selena nga si Taylor ang matunog man nga gin-istoryahan sang nakasulod ini sa billionaire list bangud sa iya nga “Eras” tour.
