Ang Trough sang Severe Tropical Storm Bebinca ang nagaapekto sa Luzon.
Padayon subong nga ginabantayan ang Severe Tropical Storm Bebinca nga yara sa gwa sang Philippine Area of Responsibility (PAR).
Ini ang nasiplatan sa kalayuon nga 1,605 kms nasidlangan sang Extreme Northern Luzon.
Dala sini ang kabaskugon sang hangin nga nagadangat sa 95 kilometers per hour kag pagmadlos nga tubtob sa 115 kilometers per hour.
Ginalauman nga magsulod ini sa Pilipinas karon sa hapon ukon sa gab-i kag pagatawgon nga Bagyo Ferdie.
Ini naman ang ika-anom nga bagyo nga magasulod sa Pilipinas subong nga tuig.
Apang matapos ang pila ka oras, magwa man ini sa Pilipinas kag magapadulong sa nabagatnan sang Japan sa diin ginalauman pa ini nga magbaskog.
Samtang ang Southwest Monsoon ukon Hangin Habagat ang nagaapekto sa Southern Luzon kag nabilin nga bahin sang Visayas kag Mindanao.
