Ginklaro sang kampo ni Pastor Apollo Quiboloy nga wala sang kaso sa ila kun bisan diin lang nga ospital idiretso ang pastor kun i-grant gid man sang korte ang ila request nga ipaidalom ini sa hospital arrest.
Suno kay Atty. Mark Tolentino nga isa sa legal counsel sang pastor, “fake news” ang nagguwa nga impormasyon nga naghingyo sila nga ipaidalom si Quiboloy kag si Ingrid Canada sa Veterans Memorial Medical Center sa Davao City.
“Not necessarily Davao. Fake news ‘yung Davao… Any hospital pwede, [but] preferably Davao, kasi taga-Davao si Pastor. But kung pagbigyan siya, kahit dito, why not?,” pahayag sini.
Baliskad ini sa pahayag sang Philippine National Police (PNP) nga amo sini ang motion sang abogado ni Quiboloy sa Pasig City Regional Trial Court (RTC) Branch 159.
Suno kay PNP spokesperson Police Colonel Jean Fajardo, ginrason sang kampo sang pastor nga may yara ini sang ginabatyag nga sakit kag nabudlayan ini sa custodial facility sa Camp Crame sa Quezon City.
Nag-require naman ang judge sa PNP nga i-facilitate ang medical checkup kanday Quiboloy kag Canada paagi sa government doctors. Nagmandu man ang korte nga isaylo ang apat ka akusado sa Pasig City Jail, apang ginmandu nga magpabilin si Quiboloy saPNP detention facility samtang wala pa ang resolusyon sa iya medical checkup.
Antes ang pahayag sang abogado ni Quiboloy, yari anay ang pahayag ni Colonel Fajardo.
Kahapon, Septyembre 13, sang ginpaidalom sa arraignment ang pastor kag iya kaupod nga mga akusado kag pareho nga nag-plead sang not guilty.
Ang gin-isyu nga arrest warrants kay Quiboloy amo ang paglapas sa Special Protection of Children Against Abuse, Exploitation, and Discrimination Act amo man ang kaso nga qualified human trafficking.
Gin-indict man sang federal grand jury si Quiboloy sa US District Court for the Central District of California bangud sa conspiracy to engage in sex trafficking by force, fraud and coercion and sex trafficking of children; sex trafficking by force, fraud and coercion; conspiracy; kag bulk cash smuggling.#
