Ginkumpirma ni Police Regional Office 5 Director Police Brigadier General Andre Dizon nga nagpadulong sa Calaguas Island resort sa Bicol si Vice President Sara Duterte sang Setyembre 20 tubtob 23.
Nahibaluan nga natalana kuntani nga magtambong sa budget hearing sang iya opisina si Dutertes sang Setyembre 23, apang mas ginpili sini nga magpadulong sa resort.
Nahibaluan nga ang budget sang Office of the Vice President (OVP) ang orihinal nga gintalana nga diskusyunan sa amo nga adlaw, apang ginsaylo kahapon, Setyembre 24 bangud absent si Duterte.
Gin-reschedule ini subong nga Myerkules, ang ulihi nga adlaw nga may session ang Kamara bag-o ang isa ka bulan nga break, apang wala sa gihapon nagpakita ang bise presidente.
Una na nga ginpahayag ni House appropriations vice chairperson kag Ako Bicol Rep. Jil Bongalon nga kun indi na interesado sa iya katungdanan bilang Vice President, mas mayo nga magpanaog na lang sa pwesto si Sara.
Nagdepensa naman ang OVP nga ang pagpadulong sang bise presidente sa Bicol ang may katuyuan nga mag-istorya sa komunidad sa Vinzons kag Daet sa Camarines Norte.
