Nagpaathag si Senadora Imee Marcos kun ngaa nag-atras ini sa alyansa nga gin-endorso sang iya nga utod nga si Presidente Ferdinand Marcos Jr sa pagka-senador para sa 2025 elections.
Matandaan nga ginpakilala sang Presidente sa Alyansa Para Sa Bagong Pilipinas convention ang senatorial slate sang administrasyon kun sa diin nalakip si Senadora Imee apang wala ini sa event.
Kilala man si Senadora Imee bilang malapit nga abyan ni Vice President Sara Duterte.
Suno kay Imee, indi niya luyag nga mabutang sa tunga-tunga sang duha ka kampo.
Apisar nag-withdraw si Marcos sa Senatorial slate sang administrasyon, gin-athga niya nga bukas siya sa tion nga imbitaron siya sang presidente nga magsaka sa entablado sang Alyansa Para Sa Bagong Pilipinas.
Nagpasalamat man siya sa iya nga utod bangud nahangpan sang presidente ang iya nga sitwasyon.
Ginsiling pa ni Marcos, nakaistorya na niya ang iya iloy tuhoy sa iya nga pag-withdraw sa alyansa.
Suno sa iya, ginkasubo ni anay First Lady Imelda Marcos ang iya nga nangin desisyon.
Sa subong, ginakumpleto pa niya ang iya nga mga dokumento para sa pag-file niya sang iya nga kandidatura sa pagkasenador sa 2025 elections.
Ginahulat na ang niya ang desisyon sang Nacionalista party sa pag-file sang COC bangud wala man siya nag-resign sa partido.
