Nagdeklarar na sang state of calamity ang probinsya sang Batanes kag Ilocos Norte bangud sa paglaslas sang Typhoon Julian.
Ginpahayag ni Batanes Governor Marilou Cayco nga madamo nga mga lugar ang nabahaan kag mga pananom ang naguba bangud sa bagyo.
Suno sa iya, ini man ang una nga tion ng nakaeksperyensiya sila sang amo ka lala nga pagbaha kag pag-ulan.
Limitado naman ang public utilities kag services kaangay sang tubig, electricity kag linya sang komunikasyon.
Samtang sa Ilocos Norte, nagkalaguba naman ang mga karsada kag taytay.
Kapin 17,000 ka mga pamilya ang apektado sa amo nga area.
May narekord man nga mudslide sa amo nga probinsya.
Kapin P85 million nga halit sa agrikultura ang narecord sa Ilocos Norte kag may masobra 1,000 evacuees.
