Nagtingob ang mga local cultural workers sa Dayaw Indigenous Peoples Festival 2024 nga ginpatigayon sa Lake Sebu, South Cotabato sang Oktubre 3 tubtob 5.
Ini ang may tema nga “Katutubong Filipino: Pagtibayin ang Tagumpay 2030” kag nagaselebrar sang nagkalain-lain nga kultura sang of Indigenous Peoples (IPs) sa Pilipinas.
Ang festival nagbukas paagi sa demsu, isa ka traditional Tboli ritual.
Ang ceremonial nga pagpatunog sang gong nagmarka sang pag-umpisa sang event sa Municipal Plaza sang Lake Sebu.
Ang tatlo ka adlaw nga kahiwatan nagpasundayag sang madinuagon nga cultural performances, rituals, kag demonstrations halin sa 36 ka Indigenous groups.
Pila sa mga nagtambong amo ang local cultural workers halin sa Northern Iloilo nga si Eiljohn Derick Buaya-Manikan kag Narold Bataga-Castellano, nga pareho nga public school teachers kag founders sang Kapawa Performing Arts.
Sila ang gin-imbitar sang National Commission for Culture and the Arts (NCCA) agud mag-obserbar kag magpakigbahin sa festival.
