Panibag-o nga record ang nahimo sang 34-anyos nga American superstar nga si Taylor Swift nga amo subong ang ginakilala nga pinakamanggaranon nga female musician sa bilog nga kalibutan.
May estimated net worth ini nga $1.6 billion ukon masobra sa P90-billion.
Sa latest net worth update sang Forbes, nalapawan na ni Taylor ang previous record ni Rihanna nga may $1.4 billion ukon malapit P80 billion.
Apang suno sa report sang Forbes, si Rihanna gihapon ang may titulo nga “Richest Female Musician of All Time” bangud may record man ini anay nga estimated net worth nga $1.7 billion (ukon masobra P100 billion).
Sa mga lalaki naman, nagapanguna ang rap mogul kag entrepreneur nga si Jay-Z nga may yara subong sang estimated net worth nga $2.5 billion (over P142 billion).
Matandaan nga sang Oktubre 2023 sang nalab-ot ni Taylor ang billionaire status base lamang sa iya mga kanta kag performance. Lakip sa ginkuhaan sang iya manggad amo ang royalties kag tours kag music catalog.
Sang damlag lang, naka-set man ini sang record bilang most-awarded artist sa MTV Video Music Awards history nga may 30 wins sa iya karera nga lapaw pa sa 26 nga nakuha ni Beyonce.
Bag-o lang nagtakop ang UK kag European legs sang iya record-breaking world tour nga Eras Tour kag natalana sini nga suguran ang final stretch sang tour sa Miami sa Oktubre 18 tubtub makaabot sa Disyembre 8 sa Canada.
