Ginbuyagyag ni Mary Ann Maslog ang koneksyon nga nangin palaagyan agud ma-contact niya ang dismissed mayor nga si Alice Guo.
Si Maslog amo ang naga- claim nga gin- recruit ini sang Philippine National Police (PNP) nga mag- contact kay Alice Guo sang tion nga nagpalagyo ini.
Siya man ang nagbisita sa PNP Custodial Center, kun sa diin nakahunong si Guo kag ginaalegar nga ginsugo siya nga papirmahon ang anay alkalde sang affidavit.
Sa Senate hearing, ginsiling ni Maslog nga ginsugilanon niya si Sual, Pangasinan Mayor Dong Calugay kun may paagi agud ma-contact niya si Alice Guo.
Suno kay Maslog, abyan niya si Calugay.
Diri ginpamangkot ni Senator Risa Hontiveros kun ngaa si Calugay ang nadumduman ni Maslog nga makabulig agud mapakig-angutan niya si Guo apisar nga nagapanago ini.
Suno kay Maslog, may nakasugid sa iya nga may relasyon kanday Guo kag Calugay kag apisar wala niya makit-an nga nagaupdanay ang mga ini, ang iya pagkahibalo amo nga may relasyon sila.
Sa amo nga statement, nagkadlaw si Guo nga pila ka beses naman nga ginpanginwala nga may romantic ukon business involvement ini kay Calugay.
