𝗟𝗘𝗢𝗡, 𝗜𝗟𝗢𝗜𝗟𝗢 – Ginpabugal sang first-time user sang hybrid seeds sa Leon, Iloilo ang pagtaas sang iya ani subong nga wet season.
Ini amo si Raian John Cainglet, 37, myembro sang Buenamano Farmer Cluster Association sa Leon, Iloilo.
Suno kay Cainglet, nakaani siya sang 6.79 metric tons sang humay sa kada ektarya.
Ginpahayag sini nga nangin dako nga bulig sa iya ani ang paggamit sang hybrid seeds nga ginhatag sang Department of Agriculture (DA) Western Visayas sa idalom sang MASAGANA 200 Program.
Sang Oktubre 2, nakaani si Cainglet sang 146 ka sako sang humay halin sa iya one-hectare farm sa Barangay Omambong gamit ang rice combine harvester.
