Daw kaangay nga ginahangkat ni pastor Apollo Quiboloy ang gobyerno sang Pilipinas sang nag-file ini sang kandidatura para sa pagka-senador sa 2025 elections.
Ginpahayag ini ni Department of Justice (DOJ) Assistant Secretary kag spokesperson Jose Dominic Clavano IV matapos nag-file ang legal representative ni Quiboloy sang certificate of candidacy (COC) agud makapadalagan ang pastor sa piniliay sa masunod nga tuig.
Suno kay Clavano, hangkat ini nga dasigon sang gobyerno ang paghulag sa mga kaso ni Quiboloy agud indi mahimo nga kaladlawan ang election system sa pungsod.
Pahayag pa ni Clavano, ang kandidatura ni Quiboloy ang isa man ka hangkat sa gobyerno nga dasigon ang iya extradition sa Estados Unidos sang Amerika.
“Itong pag-file ni Pastor Apollo Quiboloy ng senador ay sa tingin ng DOJ ay isa ‘yang challenge po sa ating gobyerno at sa gobyerno ng USA na mag-file na ng extradition,” pahayag sini sa isa ka Zoom briefing.
“Dahil hindi naman po pupuwedeng maging senador ang isang accused ng human trafficking, especially when there is substantial evidence already to the effect na ganyan talaga ang ginagawa niya,” dugang sini.
Nagpahayag naman si Senator Risa Hontiveros nga kuntani mahuya man si Quiboloy.
Ginplastar man sini nga sampaw-sampaw ang mga kaso sang pastor lakip na ang human trafficking kag child abuse, nanago pa sa mga otoridad, apang may kaisog pa ini sang buot nga ipresentar ang kaugalingon bilang senador.
“Apollo Quiboloy, magkaroon naman kayo ng kaunting hiya. Para sa isang taong humaharap sa patong-patong na kaso kabilang ang human trafficking at child abuse, at nagtago pa nga sa batas, nagkaroon pa talaga kayo ng lakas ng loob na ipresenta ang iyong sarili sa taumbayan para maging mambabatas. Karapatan nga ng bawat isa sa ating tumakbo para maglingkod sa bayan, pero nagtitiwala akong may sapat na kaalaman tayong mga Pilipino para gamitin natin ang ating karapatang pumili ng ating mga lider para hindi iboto si Quiboloy. Let us not elect lawbreakers as lawmakers,” statement sang senadora.
Gin-anunsyo man ni Hontiveros nga maga-resume ang Senate hearing batok kay Quiboloy sa Oct. 23. #
