Extra nga confidence ang nahatag kay Miss Universe Philippines Chelsea Manalo matapos ang send-off ceremony para sa iya pagtiglawas sa Pilipinas sa global pageant.
Pahayag sang Bulakenya beauty queen, mas daku ang pagsalig niya sa iya kaugalingon bangud sa mga mensahe sang kaabyanan, pamilya, team, kag organisasyon nga nagtipon gid antes ang iya pagpadulong sa Mexico para sa 73rd edition sang pageant.
Yara sa send-off ang iloy sang 24-anyos nga titleholder amo man si former Miss Universe Philippines Shamcey Supsup.
Suno kay Chelsea, 9/10 pa lang ang iya pagpanghanda subong bangud ang magakumpleto sini amo gid ang suporta sang mga Pilipino.
Balantayan ang koronasyon sa Nobyembre 16 kun sa diin tinguhaan sini nga makuha ang ika-lima nga MU crown para sa Pilipinas.
Indi lang si Chelsea ang Pinay sa amo nga pageant.
Makasumpong sini ang Filipina-British nga si Christina Dela Cruz Chalk sang Great Britain, Filipina-Kiwi nga si Victoria Velasquez Vincent sang New Zealand, kag Filipina-Bahraini nga si Shereen Ahmed nga magatiglawas sang Bahrain.
