Nakaalerto ang Taiwan matapos na-detect ang isa ka Chinese aircraft carrier sa nabagatnan nga bahin sang isla.
Suno sa defense ministry, nagsulod ang Liaoning aircraft carrier group sa dagat nga malapit sa Bashi Channel kag posible nga magpadayon sa western Pacific.
Pahayag pa sang defense officials, preparado na sila nga maghulag kag magresponde pananglitan kinahanglanon gid.
Nahibaluan nga pila ka tuig na nga ginapabaskog sang China ang ila military activities sa Taiwan kaangay sang pagpadala sang warplanes kag military aircraft samtang masami naman nga maispatan ang Chinese ships malapit sa katubigan sang amo nga teritoryo.
Ang pagpakita sang Liaoning aircraft carrier ang natabo kasunod sang paandam ni US State Secretary Antony Blinken sa China kaangot sa “provocative” action sa Taiwan.
Ini ang kasunod naman sa speech ni Taiwanese President Lai Ching-te sa National Day celebrations kun sa diin gintawag sini ang China nga “separatist” kag nagpalabtik man nga indi siya magsugot sa “annexation” nga himuon sang Beijing sa isla.
