𝗜𝗟𝗢𝗜𝗟𝗢 𝗖𝗜𝗧𝗬 – Temporaryo nga nagtinir sa daan nga quarantine isolation facility sa sulod sang compound sang Iloilo Sports Complex ang mga nasunugan sa Magsaysay, La Paz, Iloilo City.
Sa nasambit nga insidente nga 20 ang totally burned kag duha ang partially burned.
Sa interview sang Bombo Radyo kay Lilian Aguilar, isa ka call center agent, iya ginpahayag nga nakabaton na sila sang mga pagkaon kag mga relief goods.
Apang suno kay Aguilar, nagakinahanglan pa sila sang mga mainom nga tubig para sa mga kabataan.
Magluwas diri, kinahanglan man nila sang mga bulong bangud naga-ubo ang mga kabataan nga epekto sang pagkahaklo sang aso tuga sang sunog.
Nahibaluan nga nagakatulog si Aguilar sang nagluntad ang sunog sa diin ginpukaw lang ini sang nagakasunog na ang iya balay.
