𝗜𝗟𝗢𝗜𝗟𝗢 𝗖𝗜𝗧𝗬 – Ginakulang ang mga guidance counselor sa Western Visayas.
Sa interview sang Bombo Radyo kay Dr. Ramir Uytico, director sang Department of Education (DepEd) Region 6, iya ginpahayag nga may yara lang sang 36 ka mga registered guidance counselor sa rehiyon.
Suno kay Uytico, masobra 400 pa ang mga kinahanglanon nga mga guidance counselor.
Gin-athag sang natungdan nga may mga naga-apply man sa nasambit nga posisyon, apang tuman kataas ang qualifications rason nga indi man ang mga ini mabaton sa trabaho.
Sa subong, ginatun-an sang ahensya nga kakason ang requirement nga master’s degree agud mapun-an ang mga bakante nga posisyon.
Nahibaluan nga dako ang mabulig sang guidance counselor agud magiyahan ang mga estudyante kag matapna ang bullying sa mga eskwelahan.
Nahibaluan nga sa idalom sang Republic Act 9258 ukon Guidance and Counseling Act of 2004, ang guidance counseling ang mahimo lang i-practice sang mga nakapasar sa licensure exam nga ginahatag sang Professional Regulatory Board of Guidance and Counseling.
Ang exam ang mahimo makuha sang mga may yara sang Bachelor’s Degree sa Guidance and Counseling ukon iban pa nga Allied Disciplines kag sa mga may master’s degree sa Guidance and Counseling halin sa institution sa Pilipinas ukon sa abroad nga accredited sang Commission on Higher Education (CHED).
