Nagkalaguba ang seawall sa Barangay Poblacion, Tibiao, Antique matapos ginhampak sang mabaskog nga balod kag hangin.
Sa interview sang Bombo Radyo sa personnel sang Municipal Disaster Risk Reduction and Management Council sang nasambit nga banwa, iya ginpahayag nga subong gid lamang ini naguba bangud sa bagyo.
Suno man sa iya, nakalab-ot na sa mga panimalay malapit sa coastal area ang tubig- dagat.
Padayon man ang monitoring sang Tibiao MDRRMC sa kahimtangan sang banwa kag kahalitan sang bagyo.
