𝗜𝗟𝗢𝗜𝗟𝗢 𝗖𝗜𝗧𝗬 – Dakop ang manug-ihaw sang baboy sa ginpatigayon nga drug buy bust operation sa Brgy. Kasing Kasing , Molo Iloilo City.
Ang arestado amo si Joselito Exito, 42, residente sang nasambit nga barangay.
Sa interview sang Bombo Radyo kay Police Captain Ryan Christ Inot, hepe sang Iloilo City Police Station 4, iya ginpahayag nga tatlo ka semana nila nga ginbantayan ang arestado antes nadakpan.
Nakuha sa posisyon sini ang 50 grams sang suspected shabu balor P340,000.
Sa subong, preso na ini kag nagapangatubang sang kaso nga paglapas sa Republic Act No. 9165 ukon Comprehensive Dangerous Drugs Act of 2002.
